Sekretari amerikan i Shtetit, Rex Tillerson do të zhvillojë sot vizitën e parë në Londër në shenjë solidariteti pas atentatit që goditi Mançesterin, njoftoi sot Ministria britanike e Punëve të Jashtme.

“Tillerson do të takohet me ministrin britanik të Punëve të Jashtme, Boris Johnson gjatë kësaj vizite disa orëshe, që është shenjë e solidaritetit mes SHBA-së dhe Britanisë së Madhe, pas sulmit ku humbën jetën 22 persona”, theksoi Ministria në një komunikatë.