Disa ditë më parë, është shfaqur pajisja me emrin kodues Andromeda e cila në fakt është telefoni Surface i palosshëm.
Në dhjetor të vitit të kaluar, David Breyer pati publikuar disa fotografi të kësaj pajisjeje, ndërsa tani përsëri Breyer ka publikuar fotografitë e reja i cili është bazuar në dy opsione të Surface Phonet, transmeton Koha.net. Pra, ky telefon mund të shndërrohet në laptop dhe video-lojë.

Surface Phone pritet të lansohet dikur më vonë këtë vit sepse Microsofti është duke shikuar mundësinë që të dalë në treg me telefonat e palosshëm para Samsungut. Samsungu pritet të lansojë smartfonin e saj të palosshëm Galaxy X në Kongresin Botëror të Celularëve i cili do të mbahet vitin e ardhshëm në muajin shkurt.