Shefi i deputetëve të PDK-së, Abelard Tahiri, ka reaguar ndaj deklaratave të ministrit të Financave, se opozita nuk po i voton marrëveshjet ndërkombëtare. Ai ka thënë se marrëveshjet që janë në të mirë të qytetarëve i kanë votuar, ndërsa atë për skemën sociale, e ka konsideruar si të dëmshme, raporton Ekonomia Online.

“Të gjitha marrëveshjet ndërkombëtare i kemi votuar. Këtë (për skemën sociale) nuk e kemi votuar se është e dëmshme. Ti ke kërkuar me rrit energjinë dhe është një vendim që është pezulluar. Ju krejt çka kërkoni është ta kini kompetencën tuaj ngritjen e pagës minimale dhe kjo s’ka më ndodh”, tha ai.