Deputeti i Partisë Demokratike të Kosovës, Abelad Tahiri, ka vizituar sot ish-presidentin e Kosovës, Hashim Thaçin.
Tahiri përmes një postimi në Facebook ka thënë se ish-presidenti është mirë me shëndet dhe ka besim në drejtësi, raporton Ekonomia Onlne.
“I pathyer, me humor të mirë, i përkushtuar për ta mbrojtur të drejtën e popullit tonë për liri, Presidenti Thaçi më përcolli edhe me të fala për të gjithë ju”, ka thënë ndër tjera Tahiri.
Postimi i plotë:
Çdo vizitë në Hagë është inspiruese. E njëjtë ishte edhe kjo e sotmja. Takova Presidentin Hashim Thaçi. Mirë me shëndet dhe me besim në drejtësinë, Presidenti Thaçi është inspirim për mënyrën se si vazhdon të përballojë sfidat me të cilat përballet.
I pathyer, me humor të mirë, i përkushtuar për ta mbrojtur të drejtën e popullit tonë për liri, Presidenti Thaçi më përcolli edhe me të fala për të gjithë ju!
Në ditët me shi e zymtësi, të fortë na mban besimi se dielli do të lind përsëri.