Kryetari i Kuvendit të Maqedonisë së Veriut, Talat Xhaferi ka qëndruar për vizitë në Ukrainë.

Ai është pritur nga presidenti ukrainas, Volodymyr Zelensky. Pas kësaj vizite, Xhaferi ka publikuar sot disa fotografi dhe video nga takimi, si dhe përgjatë rrugëve të Ukrainës, ku shihej se ishte i veshur me jelek antiplumb.

“Fotoja e ditës”, shkroi Xhaferi në profilin e tij në Facebook, transmeton lajmi.net.

Xhaferi mbrëmë ka publikuar fotografi nga pritja që ju bë në Ukrainë, duke i falënderuar të gjithë luftëtarët që ua mundësuan të udhëtojnë të sigurtë në Ukrainë.

Ai tutje tha se luftëtarët e kanë ndarë edhe bukën me ta.

“Ngushëllimi im i sinqertë dhe shumë i thellë ndaj fëmijëve, prindërve, grave dhe burrave që i humbën më të afërmit. Për nder të jetëve të humbura, obligohemi që t’ju dëgjojmë me kujdes dhe t’ju ndihmojmë që sërish të ndërtoni të rrënuarën. Falënderim ndaj të gjithë luftëtarëve për liri në Ukrainë, që në kushte lufte na mundësuan të udhëtojmë të sigurt në Ukrainë dhe që e ndajnë bukën me ne”, shkroi Xhaferi.