Shërbimi i Inteligjencës i talebanëve tha të dielën se kishte sekuestruar rreth 3 000 litra alkool kontrabandë.

Alkoooli u derdh në një kanal në Kabul, pasi regjimi i ri islamist ndaloi dhe ndëshkoi ashpër shitjen dhe konsumimin e pijeve alkoolike.

Në një video të publikuar nga Drejtoria e Përgjithshme e Inteligjencës (GDI), uniformat e shërbimeve speciale të Emiratit Islamik të Afganistanit shfaqen teksa zbrazin fuçi të mëdha në kanal.

GDI tha në një deklaratë se 3000 litra alkool u kapën dhe u shkatërruan pas një operacioni në një qark të kryeqytetit afgan, gjatë të cilit u arrestuan tre persona.

“Myslimanët duhet të përmbahen nga prodhimi dhe konsumimi i alkoolit.”

Shitja dhe konsumimi i alkoolit u ndalua zyrtarisht në ditët e qeverisë së mëparshme, e cila u mbështet nga Perëndimi.

Por talibanët, të njohur për interpretimin e tyre fondamentalist të ligjit islamik, e shtuan goditjen e tyre pasi morën pushtetin në mes të gushtit.

Ministria e Etikës dhe Parandalimit të Imoralitetit ka nxjerrë edhe rekomandime të ndryshme që kufizojnë të drejtat e grave.