18 tanket “Leopard 2”, të premtuara nga Gjermania për të mbështetur Ukrainën, kanë mbërritur, tha një burim sigurie për agjencinë e lajmeve Reuters.

Përveç 18 tankeve kryesore të betejës, 40 automjete luftarake të këmbësorisë gjermane “Marder” dhe dy automjete të blinduara rikuperimi kishin arritur gjithashtu në Ukrainë, tha burimi i sigurisë.

Ushtria gjermane trajnoi ekuipazhet e tankeve ukrainase dhe trupat e caktuar për të drejtuar automjetet “Marder” për disa javë.

Përveç automjeteve gjermane, tri tanke “Leopard” të dhuruara nga Portugalia arritën gjithashtu në Ukrainë, sipas burimit të sigurisë.