Aktivistë të Qendrës së Prishtinës dorëzuan në Departamentin e Krimeve Ekonomike të
Policisë së Kosovës informata për fillim të hetimeve për keqpërdorim të detyrës zyrtare dhe
konflikt të interesit nga ana e kryetarit të Komunës, Shpend Ahmeti.

Aktivistja Rinë Zhitia tha se më 21 dhjetor të këtij viti, kryetari i Komunës së Prishtinës, Shpend
Ahmeti përmes një vendimi ka ndarë 60 mijë euro për festivalin ‘Sunny Hill’ shumë të cilën e ka
arsyetuar për pagesën e performancës së artistit Action Bronson.

“Kohëve të fundit, kryetari ka filluar që paranë e qytetarëve të Prishtinës, ta shpërndajë si t’i
teket. Kujtojmë se kjo përveçse është e pandershme, në këtë rast, përbën edhe shkelje të rëndë
të konfliktit të interesit nga kryetari i Komunës së Prishtinës, i cili është edhe vetë anëtarë bordi
në festivalin ‘Sunny Hill’. Pavarësisht se ai mund të deklaroj tani ndryshe, ka deklarata publike
dhe gjithashtu edhe ëeb faqja e OJQ-së ku janë derdhur këto mjete e ka vërtetuar këtë.
Megjithëse, kohën e fundit çuditërisht emri i Kryetarit si anëtarë bordi fshihet nga kjo web
faqe. “ tha ndër të tjera Zhitia pas dorëzimit, njoftohet nga komunikata.

Përveç kësaj, kjo mbështjetje e kryetarit të Komunës nuk po vie për një organizim publik për
qytetarët e Komunës sonë, por kjo mbështetje po shkon për festivalin tek i cili biletat kanë qenë
nga 35 deri në 75 euro.

Duke ditur gjendjen ekonomike e sociale në vendin tonë (vetëm në Komunë të Prishtinës janë
mbi 250 familje që presin në listën për banim), ky vendim i Komunës nuk është asgjë tjetër
veçse rrëshqitje gjithnjë e më e madhe e qeverisjes komunale në oligarki e cila i favorizon
organizimet e veta dhe të shokëve të tyre.

Ndërsa, kanë ftuar hetuesinë që të ndërhyjë:

Ne ftojmë hetuesinë, saktësisht departamentin e krimeve ekonomike në polici që të ndërhyjë
dhe:
– të hetojë konfliktin e interesit në këtë rast
– të nisë hetimet për këtë rast flagrant ku kryetari Ahmeti po shpërndan mjete të
qytetarëve nga buxheti i Komunës, si dhurata për veten dhe shokë e tij.