Thuhet shpesh se paratë nuk mund ta blejnë lumturinë, por sipas një studimi të fundit, ato mund të lidhen me një jetë më të gjatë.

Studiuesit analizuan të dhënat e mbi 25 mijë personave të moshës 50 vjeç e lart dhe zbuluan se individët me të ardhura dhe pasuri më të larta kanë një jetëgjatësi më të madhe krahasuar me ata që jetojnë në varfëri.

Sipas gjetjeve, si burrat ashtu edhe gratë e pasura jetojnë mesatarisht deri në nëntë vjet më gjatë sesa bashkëmoshatarët e tyre me më pak të ardhura.

Ekspertët e lidhin këtë rezultat me faktin se gjendja financiare ndikon drejtpërdrejt në mirëqenien e përgjithshme.

Megjithatë, studiuesit theksojnë se pasuria nuk është faktori i vetëm që ndikon në jetëgjatësi. Një regjim i shëndetshëm ushqimor, aktiviteti i rregullt fizik, gjumi cilësor dhe shmangia e zakoneve të dëmshme mbeten ndër elementët më të rëndësishëm për një jetë të gjatë dhe të shëndetshme.