Të paktën 60 persona kanë mbetur të lënduar si pasojë e një shpërthimi që ka ndodhur në kufirin mes Afganistanit dhe Iranit.

Autoritetet iraniane kanë dërguar zjarrfikësit dhe ambulancat në vendin e ngjarjes, raportojnë mediat e huaja. Raportet e para thonë se deri te shpërthimi ka ardhur si pasojë e shpërthimit të një tanku me gaz. Mirëpo më vonë, zyrtarë iranian thanë se nuk dihen ende shkaqet e sakta.

Zjarri ka lënë një pjesë të madhe të banorëve rreth kufirit mes dy vendeve pa energji elektrike për shkak të dëmtimit të infrastrukturës elektrike.