Një grua në Fushë Kosovë raporton se ish i dashuri i saj ka tentuar ta rrëmbejë dhe ta fusë me forcë në veturën e tij.

Policia e Kosovës në raportin 24 orësh bën të ditur se rasti ka ndodhur dje, me ç’rast i dyshuari është arrestuar.

“Gjatë rezistencës i dyshuari i ka grabitur çantën në të cilën kishte para të gatshme 150 euro si dhe një pllakë ari dhe një telefon në vlerë 800 euro. Viktima ka pësuar lëndime të lehta trupore dhe ka marrë tretman mjekësor. I dyshuari është arrestuar dhe me urdhër të prokurorit është dërguar në mbajtje”, thotë PK.