Presidenti i Kosovës, Hashim Thaçi ka reaguar pas vrasjes së dy vëllezërve Maloku në Plloqicë të Malishevës.

Ai ka thënë se dënon këtë vrasje, duke u shprehur ngushëllime më të thella familjes Maloku.

Thaçi po ashtu ka vlerësuar reagimin e shpejt të organeve të rendit dhe drejtësisë.

“E dënoj vrasjen e mbrëmshme të vëllezërve Maloku në Plloqicë të Komunës së Malishevës. Familjes Maloku ua shpreh ngushëllimet më të thella, ndërsa e vlerësoj reagimin e shpejt të organeve të rendit dhe drejtësisë. Si shoqëri nuk mund të lejojmë që të cenohet jeta e njeriut, në asnjë rrethanë dhe me asnjë çmim”, ka shkruar Presidenti në Facebook.