Ndaj incidentin të mëngjesit të sotëm ku u plagos avokati Azem Vllasi ka reaguar edhe presidenti i Kosovës, Hashim Thaçi, i cili ka thënë se akte të tilla janë të papranuesh.

Presidenti ka theksuar po ashtu se pret drejtësi ndaj autorit të krimit.

Komenti i plotë:

|”Me shqetësim pranova lajmin për plagosjen e avokatit Azem Vllasi. Aktet e tilla janë ta papranueshme dhe të dënueshme në një shoqëri, e cila prioritet kryesor ka forcimin e sundimit të rendit dhe ligjit. Avokatit Vllasi i uroj shërim të shpejtë, ndërsa nga autoritetet përkatëse pres që ta sjellin përpara drejtësisë autorin e këtij krimi” ka shkruar Thaçi.