Avokati Tomë Gashi, i cili përfaqëson Rade Basara, i akuzuar për rastin e vrasjes së ish-politikanit serb Oliver Ivanoviq, pas përfundimit të seancës fillestare në rigjykimin e këtij rasti ka akuzuar politikën serbe se ka kontribuar për këtë vrasje, raporton Ekonomia Online.

Madje sipas Gashit, klienti i tij në kohë kur ka ndodhur vrasja ka qenë në Kroaci.

“Unë nuk mendojë është rast politik pasi që nuk ka të bëjë unë mendoj që politika në Kosovë nuk e ka vrarë Oliver Ivanoviqin, por mendoj që politika e Beogradit ka bërë shtytje pasi që ne ende nuk i dimë dhe mbetet që ne t’i mbrojmë klientët tanë”.

“Akuza i ka tetë rreshta të pa përcaktuara pasi në kohën e vrasjes Rade Basara ka qenë në Kroaci”.

Kurse Avokati i të akuzuarës, Silvana Arsoviq, Musa Damati, ka thënë se mungojmë provat për veprën për të cilën akuzohet klientja e tij, raporton EO.

“Në këtë rast penal mungojmë veprimet kauzale që do ta përbënin figurën e posaçme të veprës penale me të cilën akuzohet klientja ime”.

Në Gjykatën e Prishtinës është mbajtur procesi gjyqësor në rastin për vrasjen e ish-politikanit serb të Kosovës, Oliver Ivanoviq.

Të akuzuar në këtë rast janë Marko Roshiq, Silvana Arsoviq, Zharko Jovanoviq, Nedeljko Spasojeviq, Rade Basara dhe Dragisha Markoviq.

Ish-politikani serb i Kosovës, Oliver Ivanoviq, u vra më 6 janar të viti 2018.