Tottenham Hotspur do të mbajë në ekipi sulmuesin anglez, Harry Kane, edhe gjatë verës dhe i ka vendosur një çmim të lartë lojtarit.

Ylli i Anglisë, 27 vjeç, u informua për një largim nga Spurs këtë verë dhe kishte tërhequr interes nga Manchester City, Manchester United dhe Real Madridi.

Sidoqoftë, Tottenham do të bllokojë Kane që të bashkohet me një klub tjetër të Ligës Premier ndërsa Real Madridit dhe çdo kërkuesi tjetër të mundshëm u thuhet se do të duhet të paguajnë shumë për të nënshkruar yllin e tyre.

Sipas mediumit The Sun, Kane është përgatitur të qëndrojë në Tottenham këtë verë me klubin që thuhet se refuzon ta shesë atë tek një rival i Ligës Premier ndërsa kërkon 175 milionë funte apo rreth 200 milionë euro për klubet e huaja.

Kane është besnik ndaj klubit të tij të fëmijërisë por e kupton se ai mund të duhet t’i lërë ata në mënyrë që të fitojë trofetë që meriton talenti i tij, pasi deri më tani nuk ka arritur të fitojë asnjë të vetëm në karrierën e tij.

Atij i mbeten edhe tre vjet nga kontrata prej 200 mijë funtesh në javë, e nënshkruar në verën e vitit 2018.

Tottenham nuk dëshiron të humbasë Kane, i cili është golashënuesi i tyre më i mirë këtë sezon me 22 gola dhe 15 asistime në të gjitha garat, dhe do të hapë bëjë çmos për t’u siguruar që ai të qëndrojë në klub për sezonin e ardhshëm.