Armando Broja do të shohë nga tribuna ndeshjen e sotme të skuadrës së Fullham ndaj Totenhemit. Trajneri Marko Silva, ka vendosur që të mos ketë në dispozicion sulmuesin e Kombëtares shqiptare për ndeshjen e sotme.

Mungesa e tij në listën e ndeshjes çuditi shumëkënd, pasi Fullhami duhej të aktivizonte sulmuesin shqiptar që të mos i paguante Çelsit 4 milionë paund. Por Marko Silva jo vetëm që nuk e uli në pankinë, por edhe e çoi në tribunë.

“Zgjedhje teknike, asgjë më shumë se aq. Një qendërsulmues për të nisur ndeshjen (Muniz) dhe një tjetër në stol (Gimenez). Ne na duhej një sulmues i dytë dhe vendosa të zgjidhja Raul. Ishte një vendim me të vërtetë i vështirë, padyshim”, tha ai para kamerave të ”Sky Sports” para ndeshjes në fjalë, duke argumentuar vendimin e tij.

Nëse Broja nuk aktivizohej sot si titullar, në bazë të klauzolës së huazimit nga Çelsi, klubi i Fullhem duhej t’i paguante 4 milionë paund bluve për transferimin e lojtarit në ditën e fundit të merkatos së dimrit.