Donald Trump pretendon se Kina do të “bëjë gjithçka” për të ndaluar rizgjedhjen e tij.

Presidenti i SHBA-së, Donald Trump ka pohuar se trajtimi i coronavirusit nga Kina është provë se Pekini “do të bëjë gjithçka që mundet” që ai të humbasë kandidaturën e tij për rizgjedhje në nëntor.

Në një intervistë për Reuters, presidenti amerikan tha se po shikonte mundësi të ndryshme për sa i përket pasojave për Pekinin mbi virusin. “Unë mund të bëj shumë,” tha ai, pa hyrë në detaje.

Trump e ka fajësuar gjithnjë e më shumë Kinën për pandeminë dhe të mërkurën përsëri tha se Pekini duhet të kishte njoftuar botën për koronavirusin shumë shpejt. Ai gjithashtu spekuloi për hakmarrje: “Ka shumë gjëra që mund të bëj,” tha ai.

“Ne po kërkojmë atë që ndodhi”.

Për herë të parë, Trump e lidhi Pekinin me shanset e tij të rizgjedhjes në nëntor. “Kina do të bëjë gjithçka që mundet që unë të humbas këtë garë,” tha ai, duke shtuar se ai besonte që Kina dëshiron që kundërshtari i tij demokrat, Joe Biden, të fitojë garën për të lehtësuar presionin në marrëdhëniet tregtare SHBA-Kinë, transmeton lajminet.

“Ata po përdorin vazhdimisht marrëdhëniet me publikun për t’u përpjekur t’i bëjnë si ato parti të pafajshme,” tha ai për zyrtarët kinezë.