Presidenti Donald Trump i ka dhënë kompanisë kineze ‘ByteDance’ 90 ditë që të tërhiqet nga çdo aset që ka mbështetur rrjetin social TikTok në ShBA.

Në urdhrin e Trumpit thuhet se ka prova përmes së cilave besohet se ‘ByteDance’ mund të ndërmarrë veprime që kërcënojnë sigurinë nacionale të SHBA-së.

Trumpi javën e kaluar kishte dhënë urdhër të ndalimit porse mbeti e paqartë se çfarë do të ndodhte me 100 milionë përdoruesit amerikanë të aplikacionit, kryesisht adoleshentë.

Aktualisht, Microsoft është në bisedime për të blerë aksione të TikTok-ut, raporton AP.

Fillimisht, Trump i ka dhënë 45 ditë që të ndaloj të gjitha transaksionet e kompanisë kineze në SHBA, por se ky afat është shtyrë në 90 ditë.