Numri i të vdekurve nga COVID-19 në Turqi të hënën ka shënuar rekord për të tetën ditë radhazi, me 188 vdekje në 24 orët e fundit, thonë të dhënat nga Ministria e Shëndetësisë.

Numri i rasteve me koronavirus, përfshirë edhe ato asimptomatike, po ashtu ka shënuar rekord me 31,219.

Për katër muaj, Turqia ka raportuar vetëm rastet me simptoma, por që nga e mërkura i ka dhënë të gjitha rastet.

Numri i vdekjeve që nga fillimi i pandemisë është 13,746, raporton Reuters.