Lufta kundër grupit terrorist Daesh, i njohur gjithashtu si ISIS, është një “gur themeli” i operacioneve antiterror të Turqisë në Siri, tha drejtori për komunikim i Turqisë të dielën.

“Ne do të vazhdojmë të ndjekim dhe të sjellim para drejtësisë të gjithë terroristët daeshë, përfshirë ata që organizata terroriste PKK / YPG lëshoi nga burgjet javët e fundit,” tha Fahrettin Altun në Twitter.

“Ne do të bashkëpunojmë me vendetburimet për të siguruar riatdhesimin e luftëtarëve të huaj terroristë që iu bashkuan grupit Daesh,” shtoi ai.
Altun theksoi bashkëpunimin e Turqisë me miqtë dhe aleatët e saj kundër terrorizmit në të gjitha format dhe manifestimet e tij.
“Tanimë koha për të eliminuar të gjithë udhëheqësit e mbetur terroristë”.

Më shumë se 300 njerëz janë vrarë në sulmet e pretenduara nga daeshët në Turqi, ku organizata terroriste ka shënjestruar civilë në bomba vetëvrasëse dhe sulme të armatosura vitet e fundit, shkruan AA.

Forcat turke të sigurisë janë përfshirë në një fushatë të gjatë për të shkatërruar sulmet e daeshëve.

Që nga viti 2016, Turqia ka kryer tre operacione në veriun e Sirisë kundër organizatave YPG / PKK – të cilat konsiderohen terroriste nga disa vende të botës përfshirë Turqinë – dhe grupit Daesh: Operacioni Mburoja e Eufratit (2016-17), Operacioni Dega e Ullirit(2018) dhe Operacioni Pranvera e Paqes (e filluar në 9 tetor).

AA shkruan se në fushatën e terroriste më shumë se 30 vjeçare kundër Turqisë, PKK – e renditur si një organizatë terroriste nga Turqia, SHBA-të dhe Bashkimi Evropian – ka qenë përgjegjëse për vdekjen e 40,000 njerëzve, përfshirë gra, fëmijë dhe foshnje. YPG është degë siriane e PKK.