Turqit po shkatërrojnë iPhone-et e tyre me mjete të forta, duke i thyer ato dhe duke u vënë zjarrin, pasi presidenti i tyre u bëri thirrje për bojkot.

Rexhep Tajip Erdogan bëri thirrje për bojkotimin e telefonave të tillë të prodhuar në Amerikë, në përgjigje të sanksioneve të ShBA kundër vendit.

Ai paralajmëroi se mallrat amerikane do të zëvendësohen me ato të prodhuara në vend apo në Azinë Juglindore

Presidenti i ShBA-së Donald Trump vendosi sanksionet mbi arrestimin e një pastori amerikan Andrew Brunson nën akuzat e lidhjes me terrorizmin.

“Ne do të bojkotojmë mallrat elektronike të ShBA”, tha Erdogan në një fjalim televiziv.

“Në qoftë se (ShBA) ka iPhone, Samsung ka edhe në anën tjetër,” tha ai, duke iu referuar gjigantit amerikan Apple dhe markës së lartë të Koresë së Jugut.

‘Ne (gjithashtu) kemi Venusin dhe Vestelin tonë’, tha ai për markat elektronike turke.

Turqit shpejt ndoqën deklaratat e tij, duke shkatërruar pajisjet e tyre amerikane në masë dhe duke postuar pamjet në mediat sociale në shenjë proteste, paçka se mund t’ju kenë kushtuar shtrenjtë.

Video të tjera përfshinin një njeri që xhironte iPhone-n e tij në një distancë të afërt me një armë, një telefon të djegur në një kuti dhe një djalë që hodhi Coca-Cola-n në tualet.