Përfaqësuesja jonë e ka të siguruar të ardhmen në futbollin ndërkombëtar, pasi shumë talent po shkëlqejnë në akademitë e klubeve të mëdha, raporton “lajmi.net”.

Se Kosova e ka të ardhmen e ndritur, e tregojnë edhe lojtarët që luajnë në akademinë e Barcelonës, Juventusit, Atalantas, Manchester Cityt, Bayern Munichut, Bolognas, e shumë të tjera.

Labinot Kabashi është 18 vjeçari që luan në akademinë e Barcelonës, Qendrim Kameraj (19) luan te ajo e Juventusit, Lirim Kastrati (19) te Bologna, Rilind Nivokazi (18) te Atalanta, Meritan Shabani (19) te Bayern Munich, Arijanet Muriqi (20) te Manchester City, janë vetëm disa prej talentëve të Kosovës.

Vetëm emrat e këtyre talenteve, tregojnë se Kosova po shëndrrohet në një Përfaqësuese që çdo ekip ndërkombëtar do ua ketë frikën të përballet me ne, shkruan “lajmi.net”.

Kujtojmë se Kosova është aktualisht në fazën e play-offit të Ligës së Kombeve, ku do të përballet me Maqedoninë në mars të vitit 2020, e që gjasat janë të mëdha që ne të kualifikohemi direkt në Kampioantin Evropian.

Ndërsa, në kualifikimet e garës së madhe të UEFA-së, jemi në vazon e pestë, ndërsa shorti do të hidhet më 2 dhjetor të muajit të ardhshëm.