Gati 300 mijë njerëz u mblodhën në Uashington të martën në Marshimin për Izraelin, duke bërë thirrje për lirimin e pengjeve të mbajtura nga terroristët në Gaza.

Shefi i Konferencës së Presidentëve të Organizatave të Mëdha Hebraike Amerikane, William Daroff tha se mbi 290 mijë njerëz morën pjesë në këtë ngjarje, duke e bërë atë tubimin më të madh pro-izraelit në historinë e Shteteve të Bashkuara të Amerikës.

Autobusët dhe fluturimet për në kryeqytetin amerikan u organizuan nga federatat lokale hebraike, shkollat, sinagogat, grupet e emigrantëve izraelitë dhe qendrat e komunitetit hebre, ndërsa shumë të tjerë morën rrugën e tyre për në Marshimin për Izraelin.

Presidenti Isaac Herzog iu drejtua tubimit me lidhje video nga Muri Perëndimor në Jerusalem, duke kërkuar kthimin e pengjeve të mbajtura në Gaza, raporton The times of Izrael, transmeton KlanKosova.tv.

“Sot jemi bashkë, si familje, një mishpaç i madh, për të marshuar për Izraelin. Për të marshuar për foshnjat, djemtë dhe vajzat, gratë dhe burrat e mbajtur peng të egër nga Hamasi”, tha Herzog.

“Të marshojmë për të drejtën e çdo hebreu për të jetuar me krenari dhe siguri në Amerikë, në Izrael dhe në mbarë botën. Mbi të gjitha, ne bashkohemi për të marshuar për të mirën mbi të keqen, për moralin njerëzor mbi etjen për gjak. Ne marshojmë për dritë mbi errësirë”, tha ai.

“Dyzet ditë më parë, një ushtri terroriste pushtoi shtetin sovran të Izraelit dhe vrau qindra e mijëra izraelitë në masakrën më të madhe që nga Holokausti. Le të thërrasim së bashku: Kurrë më. Kurrë më nuk është tani”, tha ai.

Herzog vlerësoi gjithashtu presidentin amerikan Joe Biden për “qartësinë morale dhe veprimet e guximshme të aleatëve tanë amerikanë”.