Ura e Vjetër në Mostar të Bosnjë dhe Hercegovinës mbrëmë është ndriçuar me ngjyrat e flamurit francez me rastin e vdekjes së Jacques Chirac ish-president i këtij vendi.
Drejtori dhe themeluesi i Qendrës së Paqes dhe ish kryetari i Komunës së Mostarit, Safet Oruçeviq, kujtoi se Franca ishte një nga donatorët e parë dhe më të mëdhenj në procesin e rindërtimit të Urës së Vjetër, e cila sot konsiderohet një simbol ndërkombëtar i paqes dhe pajtimit në botë.
Gjithashtu, në vitin 1998, si presidenti i atëhershëm francez ai u bë anëtar i Fondacionit të Restaurimit të Urës së Vjetër, dhe në vitin 2016 iu dha çmimi ndërkombëtar “Mostar Peace Connection”.
Pos në Bosnje, Chirac ka dhënë kontribut edhe në ndalimin e krimit që po kryhej nga serbet në Kosovë në vitet 98-99.