Me 21.64 për qind apo 18 mijë e 119 vota në zgjedhjet e 17 tetorit, Uran Ismaili ka arritur të mbledh më së shumti vota në historinë e PDK-së. Përkundër humbjes në kryeqytet, Ismaili arriti ta qes në pah një frymë të re në kryeqytet.

Edhe pse nuk ka arritur të fitojë në zgjedhjet lokale të 17 tetorit, kandidati i PDK-së për kryetar të Prishtinës, Uran Ismaili ka arritur të mbledh më së shumti vota në historinë e PDK-së në Prishtinë.

Uran Ismaili arriti të tregoj një mënyrë të re të të bërit politikë, e ashtu si tha edhe ai dje, “Një frymë e re doli në pah në Prishtinë”.

E kjo mënyrë e re e të bërit politikë gjeti edhe mbështetje te qytetarët, nga të cilët ai arriti të siguroj 21,64% apo 18 mijë e 119 vota.

Mirëpo, edhe pse u radhit i treti nga votat e qytetarëve, shkuarja e Prishtinës në balotazh ishte meritë e vetë Ismailit.

Kujtojmë se PDK-ja ndër vite ka shënuar rezultate të dobëta në kryeqytet, kështu edhe ishte në luftë për vendin e dytë e të tretë, pasi të parit zorr se mund t’i afrohej.

Ne vitin 2009, kandidati i PDK’së për kryetar të Prishtinës, Astrit Salihu kishte marre 8 mijë e 427 vota ose 12.2 për qind. Ne zgjedhjet e vitit 2013, kandidati i PDK’së për kryetar komune, Agim Çeku, kishte marre 9 mijë e 382 vota ose 10%. Në vitin 2017, me Lirak Çelajn PDK kishte marre 5.128 vota ose 5.8% ndërsa, në vitin 2007, kandidati i PDK’së, Fatmir Limaj kishte marrë 12 mijë e 361 vota ose 19.3 për qind.

Uran Ismaili në këto zgjedhje arriti ta bëj PDK’në faktor determinues në Prishtinë.