KFOR-i ka njoftuar se ushtarët kroatë i janë bashkuar komandës rajonale të kësaj force në perëndim, duke e bërë ata shtetin e nëntë në njësi.

Në një njoftim të këtij misioni në Twitter, bëhet e e ditur se ushtarët kroatë do të integrohen në batalionin kinetik, i cili do të patrullojë anën perëndimore të Kosovës.

“Ushtarët kroatë janë bashkuar me komandën rajonale të KFOR Perëndimit, duke u bërë shteti i nëntë që do të jetë pjesë e njësisë, së bashku me ushtarë nga Austria, Italia, Rumania, Maqedonia e Veriut, Polonia, Sllovenia, Zvicra, Turqia dhe Kroacia. Ushtarët do të integrohen në batalionin kinetik, duke kryer patrulla në anën perëndimore të Kosovës “, u njoftua në llogarinë e KFOR-it në Twitter, transmeton Klankosova.tv.

Ky zhvillim me patrullimin e trupave kroate në Kosovë në kuadër të misionit të KFOR-it pritet të ngjallë reagime në Serbi.