Ushtria e Izraelit tha se edhe 137 pengje po mbahen në Gaza.

“Ne jemi të vendosur të vazhdojmë të luftojmë, të çmontojmë Hamasin dhe të sjellim të gjithë pengjet në shtëpi”, tha zëdhënësi ushtarak izraelit Daniel Hagari.

Hagari tha se forcat izraelite goditën “mbi 400 objektiva të Hamasit në të gjithë Rripin e Gazës” në 24 orët e fundit.

Ai shtoi se sulmet “eliminuan” luftëtarët e Hamasit, raporton Al Jazeera.

Komentet e tij vijnë ndërsa forcat izraelite vazhdojnë të godasin zonat në të gjithë Gazën, duke shkaktuar vdekje masive të civilëve dhe shkatërrimin e infrastrukturës thelbësore.