Një vajzë 7 vjeçare ka vdekur dje në Prishtinë. Ajo kishte shkuar për të bërë një fotografim të kokës  në ordinancën private “Poliklinika CT Scanner” në lagjen Ulpianë të Prishtinës.

Familjarët po e akuzojnë klinikën se ajo vdiq nga mbi doza e anestezionit.

E ndjera  T. H. është mbesa e trajnerit të njohur kosovar, Fidaim Haxhiu, shkruan Reporteri.net.

Haxhiu ka akuzuar rëndë mjekun e kësaj ordinancës Poliklinika CT Scanner, duke ndarë lajmin e dhimbshëm për vdekjen e familjares së tij në moshë shumë të re.

7 vjeçarja është po ashtu familjare e deputetit të PDK-së, Bekim Haxhiu.

Policia ka konfirmuar këtë rast si vdekje të dyshimtë, duke shtuar se janë duke punuar që të zbardhen rrethanat e vdekjes, ndërsa Inspektorati Shëndetësor i Ministrisë së Shëndetësisë po ashtu ka nisur hetimet lidhur me rastin.