Komisioneri për Fqinjësi dhe Zgjerim Oliver Varhelyi do të qëndrojë të mërkurën në Kosovë në kuadër të turit në vendet e Ballkanit Perëndimor.

Vizita e tij bëhet në kohën kur vaksinat e para ndaj COVID-19, të ndara dhe të financuara nga Bashkimi Evropian, mbërrijnë në rajon.

Kosova nga BE-ja ka përfituar 95 mijë doza të vaksinës “Pfizer” në luftën kundër pandemisë.

Eurokomisioneri për zgjerim do të nis turin e tij ballkanik të hënën pasdite në Serbi, pasuar nga Bosnja dhe Hercegovina, Mali i Zi dhe Maqedonia e Veriut të martën dhe më pas Shqipëria dhe Kosova të mërkurën, bën të ditur zyra e Varhelyit.

Derisa do të qëndrojë në rajon, ai do të diskutojë me autoritetet rreth përgjigjes ndaj pandemisë si dhe mbështetjen e BE-së në këtë kontekst.

BE –ja që nga fillimi i krizës, ka mobilizuar një paketë shumë të konsiderueshme prej 3.3 miliardë euro për të ndihmuar rajonin të adresojë krizën e menjëhershme shëndetësore, të zbut ndikimin socio-ekonomik dhe të sigurojë rimëkëmbjen afatgjate.

Komisioni në tetor vendosi në tryezë një Plan Ekonomik dhe të Investimeve që mund të mobilizojë deri në 28 miliardë euro në grante, garanci dhe hua preferenciale për të nxitur rimëkëmbjen afatgjatë të Ballkanit Perëndimor dhe konvergjencën me BE.

Po në tetor KE vendosi në tryezë një Plan Ekonomik dhe të Investimeve që mund të mobilizojë deri në 28 miliardë euro në grante, garanci dhe hua preferenciale për të nxitur rimëkëmbjen afatgjatë të Ballkanit Perëndimor dhe konvergjencën me BE.

Siç është njoftuar nga Komisioni Evropian dhe Austria në 20 prill, në total 651,000 doza të vaksinave BioNTech / Pfizer do të dorëzohen në rajon në këste javore nga fillimi i majit deri në gusht.

Komisioneri Oliver Varhelyi lidhur me këtë tha: “Unë jam duke udhëtuar në Ballkanin Perëndimor për të dhënë një mesazh të qartë: Na intereson! Ne kujdesemi për partnerët tanë dhe kujdesemi për punonjësit e tyre të kujdesit shëndetësor dhe më të prekshmit. Dorëzimi i vaksinave konfirmon angazhimin tonë të vazhdueshëm për të siguruar mbështetje, siç kemi bërë që nga shpërthimi i pandemisë. Më të fortë së bashku! ”

Vaksinat financohen nga paketa 70 milionë euroshe e miratuar nga Komisioni në dhjetor 2020 për të ndihmuar në mbulimin e kostos së vaksinave, të siguruara në bazë të marrëveshjeve të BE-së për blerjen paraprake për partnerët e Ballkanit Perëndimor.

Austria ka lehtësuar ndarjen e këtyre vaksinave të financuara nga BE përmes marrëveshjeve ligjore me prodhuesin dhe secilin partner të Ballkanit Perëndimor. Shpërndarja e përgjithshme midis vendeve bazohet në nevojat epidemiologjike.