Katër burra janë ekzekutuar për përdhunim në grup dhe vrasjen e studentes 23 vjeçare në autobusin e New Delhi më 2012, rasti që u vu në qendër të vëmendjes globale mbi normat tronditëse të sulmeve seksuale në Indi.

Akshay Thakur, Mukesh Singh, Pawan Gupta dhe Vinay Sharma u varën në një burg të kryeqytetit indian, më shumë se gjashtë vjet pasi u dënuan për dhunimin dhe vrasjen e gruas, e njohur vetëm si “Nirbhaya”.

Të katër burrat u dënuan në vitin 2013, por tre prej tyre apeluan dënimin me vdekje në Gjykatën Supreme të Indisë. Të gjitha ankesat u refuzuan, përfshirë edhe lutjet për mëshirë ndaj Presidentit të Indisë, Ram Nath Kovind.

Rasti në fjalë shkaktoi zemërim në të gjithë botën dhe në Indi, ku protestuesit kërkonin drejtësi për Nirbhaya, një pseudonim i dhënë studentes që e ka kuptimin “e patrembur”. Sipas ligjit indian, viktimave të krimeve të caktuara nuk mund t’u thuhet emri.