Kryetari i PDK-së, Kadri Veseli ka thënë se ende asgjë nuk ka përfunduar në Prizren, duke aluduar në fitoren e Vetëvendosjes në këtë komunë, dhe humbjen e partisë së tij.

”Asgjë s’ka përfunduar në Prizren. 5 mijë vota kanë qenë më shumë për Shaqir Totajn. Ne duam që të zbardhet politikisht vullneti i qytetarëve. Ajo që shohim në Prizren është një abuzim agresiv dhe një dhunë e madhe. Kemi disa raste që kemi identifikuar. Besojmë që drejtësia nuk do t’i nënshtrohet shantazhit”, tha Kadri Veseli në “Zona e Debatit” në Klan Kosova.

“Sot e kemi parë një storje shumë të rëndë. Mbi 8 minuta e gjysmë enden kutitë nëpër korridore. Ka abuzim dhe humbje të fletëvotimeve atje”

Tutje ai thotë se nuk do të lejojnë që të ”tjetërsohet legjitimiteti dhe fitorja e Shaqir Totajt”.

Sot PDK publikoi disa video-incizime, ku shihen persona të paautorizuar teksa bartin kuti votimi në Prizren.