Ministrja e Shëndetësisë në Shqipëri, Ogerta Manastirliu, ka njoftuar se është duke vijuar procesi i vaksinimit të mjekëve dhe infermierëve kosovarë në Kukën.

“500 mjekë dhe infermierë të Kosovës po vaksinohen në Kukës. Edhe sot në ditën e dytë, do të vijojë vaksinimi me stafet mjekësore të vijës së parë”, ka shkruar Manastirliu në Facebook. 

Procesi i vaksinimit të punëtorëve shëndetësorë të Kosovës në Kukës vije pas premtimit të kryeministrit shqiptar, Edi Rama, pas mbërritjes së mbi 38 mijë dozave të vaksinës “AstraZeneca” në aeroportin e Rinasit muajin e kaluar.