Ministria e Diasporës dhe Investimeve Strategjike, ka organizuar konferencën me temën “Gruaja në diasporë – Digë e fuqishme kundër asimilimit”.

Zëvendësministri i Diasporës dhe Investimeve Strategjike, Isni Kilaj, u shpreh se kjo konferencë i kushtohet rolit të gruas në diasporë dhe rëndësisë që ka ajo në bartjen e kulturës dhe traditës shqiptare në diasporë.

“Konferenca është në kuadër të aktiviteteve që Ministria e Diasporës dhe Investimeve Strategjike këta 2 muajt e  verës. Është një konferencë e cila i kushtohet  rolit të gruas, gruas shqiptare në diasporë rëndësisë që ajo ka në bartjen e kulturës dhe trashëgimisë sonë shqiptare; ajo është shtylla e familjes e kombit, nëna është gjithmonë e  cilësuar kështu në Kosovë dhe këtu do të zhvillohen tema që kanë të bëjnë me rolin e gruas dhe nënës shqiptare në këto kushtet e migrimit tonë në diasporë”, tha ai.

Kilaj vlerëson se diaspora shqiptare në botë e sidomos në Evropë është ndër më të organizuarat.

Gjugjica Ramqaj, pjesëmarrëse në këtë konferencë nga Kroacia u shpreh se kjo konferencë është me rëndësi jo vetëm për njerëzit që jetojnë në Kosovë por edhe për diasporën.

“Jam anëtare në këtë konferencë, kam pasur rastin edhe vitin e kaluar këtu në të njëjtën konferencë besoj që kjo konferencë ka një vlerë të posaçme jo vetëm për ju që po jetoni në  Kosovë por edhe në diasporën diaspora janë të lidhur shumë me atdheun e vet”, tha ai.

Kjo konferencë u organizua në kuadër të “Ditëve të Diasporës” që mbahen gjatë muajve të verës për nderë të diasporës shqiptare që vinë në Kosovë.