Vlora Dumoshi, ministrja e Kulturës, Rinisë dhe Sportit, ka vizituar ekspozitën e Festivalit Ndërkombëtar të Animacionit  “Anibar” në Galerinë e Arteve në Pejë.

Në vizitën e saj, ministrja Dumoshi është pritur nga drejtori i Festivalit Ndërkombëtar të Animacionit “Anibar”,  Vullnet Sanaja dhe nga kryetari i Komunës së Pejës,  Gazmend Muhaxheri.

Vlora Dumoshi, me këtë rast,  vizitoi edhe Kinemanë “Jusuf Gërvalla” dhe nga organizatorët e Festivalit u njoftua në lidhje me punën e tyre rreth Festivalit.

Ministrja Dumoshi u shpreh e kënaqur me entuziazmin e të rinjve kreativ, dhe  u shpreh se MKRS-ja është e përkushtuar që të ndihmojë jetën kulturore të Kosovës duke krijuar kushte më të mira dhe duke e subvencionuar atë.

Ndërsa, drejtori i Festivalit “Anibar”, Vullnet Sanaja e falënderoi  ministren për vizitën dhe për gatishmërinë për të bashkëpunuar edhe në të ardhmen.