Presidentja e Komisionit Evropian, Ursula Von der Leyen ka zhvilluar sot një bisedë me kryeministrin Albin Kurti, me ç’rast kanë diskutuar për situatën në veri të Kosovës.

Në një postim në Twitter, Von der Leyen bën të ditur se gjatë kësaj bisede, ka theksuar nevojën për depërshkallëzim të situatës dhe kthimin në dialog.

“Bisedova me kryeministrin Albin Kurti këtë mëngjes. Theksova nevojën urgjente për deskalim dhe kthim në dialogun e lehtësuar nga BE-ja për normalizimin e marrëdhënieve me Serbinë”, ka shkruar ajo.

Von der Leyen gjithashtu shtoi se gjatë ditës së sotme do të bisedojë edhe me presidentin e Serbisë, Aleksandar Vuçiq.

Spoke to PM @albinkurti this morning.

I stressed urgent need for deescalation and return to EU facilitated dialogue on normalisation of relations with Serbia.

I will speak to President Vucic later today.

— Ursula von der Leyen (@vonderleyen) June 27, 2023