Kuvendi i Kosovës ka votuar me 61 vota Qeverinë e re me kryeministër Avdullah Hotin, raporton Ekonomia Online.

Nga 86 deputetët e pranishëm në seancë, 24 votuan kundër, kurse deputetja e AAK-së, Kadaj-Bujupi, abstenoi.

Hoti e ka prezantuar kabinetin e tij qeveritar, me gjithsej katër zëvendëskryeministra dhe 16 ministra.

Hotit iu hap rruga për formimin e Qeverisë pas aktgjykimit të Gjykatës Kushtetuese, e cila i dha të drejtë dekretit të presidentit Hashim Thaçi për mandatarin e formimit të Qeverisë.

Përbërja e Qeverisë së re:

Kryeministër: Avdullah Hoti

Zëvendëskryeministri i parë: Besnik Tahiri

Zëvendëskryeministrat e tjerë: Driton Selmanaj, Albulena Balaj-Halimaj dhe Goran Rakiq

Ministri i Punëve të Brendshme – Agim Veliu

Ministre e Financave – Hykmete Bajrami

Ministri i Infrastrukturës – Arban Abrashi

Ministri i Shëndetësisë – Armend Zemaj

Ministri i Bujqësisë, Pylltarisë dhe Zhvillimit Rural – Besian Mustafa

Ministri i Mbrojtjes – Anton Quni

Ministre e Kulturës, Rinisë dhe Sporteve – Vlora Dumoshi

Ministre e Punëve të Jashtme dhe Diasporës – Meliza Haradinaj-Stublla

Ministri i Drejtësisë – Selim Selimi

Ministri i Arsimit, Shkencës, Teknologjisë dhe Inovacionit – Ramë Likaj

Ministër i Ekonomisë dhe Ambientit  – Blerim Kuçi

Ministër i Tregtisë dhe Industrisë – Vesel Krasniqi

Ministër i Punës dhe Mirëqenies Sociale – Skender Reçica

Ministër për Kthim dhe Komunitete – Dalibor Jevtiq

Ministër i Zhvillimit Rajonal – Enis Kervan