Deputetët e Lëvizjes Vetëvendosje, Albin Kurti dhe Donika Kadaj-Bujupi mbajtën disa tubime me bashkatdhetarë në Gjermani.

Në këto tubime, përfaqësuesit e VV-së prezantuan zhvillimet e fundit politike në Kosovë dhe alternativën e Lëvizjes ndaj këtyre zhvillimeve.

Sipas një komunikate të lëshuar nga VV-ja, tubimet që u mbajtën në Bielefeld, Heilbronn dhe Heidelberg ishin përplot me bashkatdhetarë që kishin shprehur vullnetin dhe interesimin të dëgjonin dhe të bashkëbisedonin me përfaqësuesit e kësaj partie.