Asociacioni i Komunave me shumicë Serbe, pjesë e të cilit do të jenë vetëm 10 komuna serbe, do të ketë fuqi ekzekutive dhe buxhet milionësh, përderisa Asociacioni i Komunave të Kosovës me 34 komuna në nivel vendi vazhdon të funksionojë si një OJQ dhe me buxhet vjetor prej gjysmë milioni euro

Asociacioni i Komunave të Kosovës (AKK), pjesë e të cilit janë 34 komuna vendore, ka shumë më pak kompetenca dhe buxhet sesa Asociacioni i Komunave me shumicë Serbe, pjesë e të cilit janë vetëm 10 komuna serbe në nivel vendi.

Derisa Asociacioni i madh i komunave nuk ka as gjysmë milioni euro buxhet, “Zajednica”, ashtu siç po i referohet opozita Asociacionit të Komunave Serbe, e vogël nuk do të ketë kurrfarë krize buxhetore për të funksionuar në të ardhmen, pasi që do të marrë buxhet nga Serbia, nga të hyrat që grumbullohen nga pikat doganore në veri të vendit, si dhe nga Bashkimi Evropian./Zeri/