Certifikata e vdekjes së Dukës së Edinburgut ka zbuluar se ai vdiq nga ‘pleqëria’.

Në kohën kur Pallati Buckingham njoftoi se Princi Filip vdiq në mënyrë paqësore në Kështjellën Windsor muajin e kaluar në moshën 99 vjeçare.

Tani njoftimi zyrtar i vdekjes ka deklaruar se shkaku i vdekjes ishte ‘pleqëria’.

Mjeku i familjes mbretërore, Sir Huw Thomas, tha se nuk kishte ndonjë sëmundje ose dëmtim tjetër që kontribuoi në vdekje, sipas The Daily Telegraph që mori certifikatën.

Përshkrimi ‘pleqëri’ pranohet nëse pacienti është mbi 80 vjeç dhe nëse mjeku është kujdesur personalisht për pacientin për një periudhë të gjatë dhe ka parë një rënie graduale.

Kjo do të thotë se nuk kishte asnjë lidhje me qëndrimin njëmujor të Princit Filip në spitalin e mbretit Edward VII në Londrën qendrore në shkurt.