Në fjalimin e tij të fundit drejtuar kombit të mërkurën, presidenti i Ukrainës përsëriti dëshirën e tij për të parë Krimenë të rikthehet nën kontrollin ukrainas.

“Ne po përgatisim gjithashtu një listë të hapave të de-okupimit,” tha Volodymyr Zelenskyy, duke shtuar se ato lidhen me sigurinë, ekonominë dhe faktorët social, shkruan Euronews, transmeton Klan Kosova.

“Ne mund ta riintegrojmë shpejt Krimenë në strukturën shtetërore të Ukrainës. Në fakt, pushtuesit duhet të konsiderojnë tashmë se ndërsa ura e Krimesë është ende disi funksionale, ata duhet të kthehen në shtëpi në Rusi.”

Krimea, një gadishull i vogël në Detin e Zi në jug të Ukrainës, u aneksua ilegalisht nga Moska në vitin 2014.