Zëvendëskryeministri i parë i Kosovës, Besnik Tahiri, ka shkruar një status në Facebook pas votimit të qeverisë Hoti në Kuvendin e Kosovës. Ai marrjen e pozitës e ka quajtur privilegj dhe përgjegjësi, duke shtuar se do të punojë për interesa të vendit.

‘’Me besimin e deputetëve të Kuvendit të Republikës së Kosovës, Aleancës për Ardhmërinë e Kosovës e të Kryeministrit Ramush Haradinaj nga sot do të mbajë pozitën e zëvendëskryeministrit të parë. Këtë pozitë, nuk e shoh si privilegj por si përgjegjësi ndaj vendit e shoqërisë!’’, ka thënë ai.

‘’Përcaktimi im është angazhimi politik e profesional me synim të qartë në shërbim të institucioneve dhe shtetit. Do të angazhohem si përherë, të mos kufizohem në dallimet politike e konceptuale, përkundrazi do të kultivojë vlerën e bashkëpunimit. Do të vazhdoj ta kultivojë debatin përmbajtjesor, konsultimin e përhershëm dhe bashkëpunimin pa dallime në funksion të punëve të mira që mund t’i bëjmë së bashku.’’

‘’Si shtet dhe shoqëri, e kemi domosdoshmëri të marrim më të mirën nga secili, duke sjell sinergji në funksion të progresit, zhvillimit dhe synimeve tona të përbashkëta euro-atlantike.’’, ka përfunduar Tahiri duke falënderuar qytetarët dhe deputetët për besimin.