Ai ka marr gjithsej 161 vota nga pjesëtarët e stafit akademik dhe 27 anëtarët e Këshillit të Fakultetit të Mjekësisë.

Sefedin Muçaj është profesor i rregullt (Prof. Dr.) dhe Shef i Katedrës së Epidemiologjisë në Fakultetin e Mjekësisë të Universitetit të Prishtinës, specialist i epidemiologjisë dhe Shef i Sektorit për Sëmundje Kronike Jo infektive në Departamentin e Epidemiologjisë në IKSHPK.

Postimi i plotë:

Prof. Dr. Sefedin Muçaj ēshtē zgjedhur Dekan i ri i Fakultetit të Mjekësisë nē Universitetin e Prishtinēs

Profesor Sefedin Muçaj në këtë process zgjedhor është votuar nga gjithsej 161 pjesëtarë të stafit akademik dhe 27 anētar tē Kēshillit tē Fakultetit tē Mjekēsisē, është personi që ka marrë mbështetjen absolute të drejtpërdrejtë të stafit akademik apo të rreth 67% të tyre.

Sigurisht që kjo përkrahje e gjerë si përfaqësues i zgjedhur i parë për Profesor Sefedin Mucajn ka mbështetjen tek kredencialet e çmueshme jo vetëm profesionale e shkencore, por para sëgjithash tek personaliteti i Profesor Sefedinit që gjerësisht shquhet me qasjen e tij përafruese e përbashkuese, që përfaqëson një mendësi që i çmon vlerat dhe potencialet e secilit dhe që si i tillē ofron mundësinë e zhvillimit të të gjitha resurseve njerëzore, profesionale e shkencore, një qasje kjo që i duhet aq shumë fakultetit tonë dhe posacërisht menaxhimit të tij.

Profesor Sefedini është dëshmuar si një personalitet i hapur, i gatshēm të bashkëpunojë me secilin pjesëtar të stafit dhe qē ofron një vizion të qartë për avansimin e fakultetit me qasjen integruese dhe mundësuese për secilin që ka potenciale dhe mundësi të sjell kontribute të çmueshme për avansimin e mëtejmë të Fakultetit tē Mjekēsisē.

Dr. Sefedin Muçaj është profesor i rregullt (Prof. Dr.) dhe Shef i Katedrës së Epidemiologjisë në Fakultetin e Mjekësisë tëUniversitetit të Prishtinës, specialist i epidemiologjisë dhe Shef i Sektorit për Sëmundje Kronike Joinfektive në Departamentin e Epidemiologjisë në IKSHPK.

Si specialist i epidemiologjisë, ka një përvojë mbi 25 vjeçare në fushën akademike dhe në aktivitete dhe programe të ndryshme në fushën e shëndetit publik.

Është autor dhe koautor i një sërë punimesh shkencore të publikuara në revista me indeks ndërkombëtar, i disa librave dhe teksteve mësimore universitare, si dhe është pjesëmarrës i një serë tubimesh shkencore dhe profesionale. Për një kohë ka qenë Prodekan për Cështje Mësimore dhe të Studentëve i Fakultetit të Mjekësisë.

Si një personalitet me gjithë këto kredenciale të çmueshme njerëzore, profesionale e shkencore dhe me potencial tẽ dēshmuar të lidershipit dhe menaxhimit, Profesor Sefedin Muçaj është padyshim personaliteti i duhur për të drejtuar dhe avansuar mē tej zhvillimin e Fakultetit të Mjekësisë në mandatin e ardhshëm katërvjeçar.

IKSHPK i uron suksese nē tē gjitha sfidat nē avansimin e mētejshēm tē Fakultetit tē Mjekēsisē duke ofruar mbēshtetjen e plotē profesionale, shkencore dhe hulumtuese.