Serbët e Kosovës kanë vendosur të marrin pjesë në zgjedhjet për kryetarët e komunave në veri të Kosovës.
Ky vendim erdhi pas takimit të presidentit serb Aleksandar Vuçiq me përfaqësuesit politikë të serbëve në Kosovë.

Thuhet se vendimi në fjalë u mor me “qëllimin që shqiptarët me 0.1 ose një përqind të mos e marrin kontrollin në veri të Kosovës”.

Të hënën presidenti i vendit, Hashim Thaçi shpalli zgjedhjet e jashtëzakonshme për katër komunat veriore të Kosovës; Zubin Potok, Leposaviq, Zveçan dhe Mitroicë Veriore katër muaj pas dorëheqjes së kryetarëve të këtyre komunave.