Gazeta sportive nga Torino “Tuttosport” në edicionin e së shtunës e përmend Edon Zhegrovën si opcion për Juventusin.

Nuk është hera e parë që sulmuesi anësor i Kosovës lidhet me një kalim te “Zonja e vjetër”, por kësaj radhe këtë e raporton gazeta e afërt me klubin bardhezi, Tuttosport.

Zhegrova shihet si mundësi transferimi gjatë verës së vitit të ardhshëm duke parë paraqitjet e mira së fundit në Ligue 1 të Francës dhe në Ligën e Kampionëve.

Drejtuesit e ekipit italian do ta vëzhgojnë nga afër kur Lille e Juventus do të ndeshen të martën e 5 nëntorit në Champions League.

25-vjeçari do të bënte hapin e madh të karrierës, në rast se luan me kampionin e shumëfishtë të Italisë, derisa vlera e tij aktuale sipas transfermarkt është 25 milionë euro.