Zjarret e furishme të ndezura nga erërat uragane kanë shkatërruar qytetin historik të Lahainas në ishullin Maui të Hawait.

Brian Schatz, senator amerikan nga ky shtet , tha në mediat sociale se Lahaina është pothuajse totalisht e djegur deri në tokë.

Të paktën gjashtë persona vdiqën në qarkun Maui, thanë zyrtarët të mërkurën.

Sistemi spitalor i Maui-t është mbingarkuar me pacientë të djegur dhe njerëz që vuajnë nga thithja e tymit.

“Zjarrfikësit janë ende duke u përpjekur për të vënë nën kontroll zjarret dhe reaguesit tanë të parë janë në modalitetin e kërkimit dhe shpëtimit”, tha Schatz, raporton BBC, transmeton Klankosova.tv.

Presidenti amerikan Joe Biden tha në një deklaratë se qeveria federale ka dërguar ndihmë në Hawai, ndërsa lufton me flakët dhe vazhdon me përpjekjet e shpëtimit.

Ai shtoi se Departamenti i Transportit po punon për evakuimin e turistëve nga Maui. Rreth 4000 vizitorë po përpiqen të largohen nga ishulli, tha zyrtari shtetëror i transportit Ed Sniffen.

Lahaina është një qytet historik në skajin perëndimor të Maui. Qendra e saj daton që nga viti 1700 dhe figuron në Regjistrin Kombëtar të Vendeve Historike të SHBA.