Kandidati për deputet nga radhët e LDK-së, Alban Zogaj, e ka quajtur absurditet dhe të pamundur kërkesën e kryeministrit Albin Kurti për 500 mijë vota në zgjedhjet e 9 shkurtit.

Ai madje shkurtin e 2021-ës, muajin kur Qeveria Kurti hipi në pushtet, e quan aksident politik që më nuk do të ndodh në Kosovës.

“Absurditet. E pamundur. Më nuk ndodh shkurti i 2021-ës, nuk përsëritet më një aksident, ai është jnë aksident politik. Një gjë e tillë nuk mundet me ndodh më në vendin tonë”, tha Zogaj në emisioni “DPT te Fidani”.

“Nuk kanë arritur për katër vjet me dhënë asnjë shembull në zhvillim të vendit përveç demagogji, dhe tash kërkojnë më shumë se kaq. Po në demokraci çfarë rëndësie ka a i ke 51 për qind, apo 99 për qind? Në demokraci si ti kesh 51 për qind, shumicën, është njëjtë. Si 51, si 99. Ky i ka pas krejt në dispozicion të vetin dhe nuk ka arrit me e zhvillu asnjë projekt deri në fund”.