Instituti Kombëtar i Shëndetësisë Publike ka njoftuar se të martën në vendin kanë rezultuar pozitiv me Covid-19 nëntë persona, ndërsa tre persona të tjerë janë shëruar.

Sipas IKSHPK-së, rastet pozitive janë raste kontakti nga komuna e Vushtrrisë: 8 raste, sipas vendbanimit 7 raste Vushtrri dhe 1 rast Bajskë, si dhe 1 rast me vendbanim në Gjilan.

Nga 8 shkurti deri më 26 maj  në Laboratorin e Mikrobiologjisë Molekulare në IKSHPK janë testuar gjithsej 13.725 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.047 raste, me gjithsej 30 raste të vdekjes të cilët kanë pasur sëmundje të tjera shoqëruese.

Ndërkaq, numri i përgjithshëm i të shëruarve nga coronavirusi ka arritur në 794, transmeton Klan Kosova.