Gjatë dhjetorit, në rajonin e Ferizajt, janë raportuar 183 aksidente trafiku, ku një prej tyre ka përfunduar me një person të vdekur ndërsa 69 persona janë lënduar.

Po ashtu, gjatë kësaj periudhe kohore janë shqiptuar 3801 gjoba për kundërvajtje të ndryshme dhe ka hequr 25 patentë shoferë.

“Gjatë muajit dhjetor 2024 policia rajonale e Ferizajt ka shqiptuar 3801 gjoba për kundërvajtje të ndryshme dhe ka hequr 25 patentë shoferë për drejtuesit që kanë shkaktuar kundërvajtje më të rënda në komunikacion, ku parashihet masa mbrojtëse heqje e patentë shoferit.”

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes, të respektojnë shenjat dhe rregullat e komunikacionit. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.”