Ylli amerikan i filmit për të rritur, Ron Jeremy është akuzuar për 34 akuza për krime seksuale që përfshinin 21 gra, në mbi 20 vjet, thonë prokurorët e Los Angeles. Sipas tyre, Jeremy sulmoi gratë, nga 15 deri në 51 vjeç, midis viteve 1996 dhe 2019, ndërsa përballet me mbi 300 vjet burg.

Aktori 68-vjeçar u deklarua i pafajshëm për akuzat të mërkurën. Ai është një nga emrat më të mëdhenj në industrinë e filmit për të rritur dhe ka luajtur në mbi 1,700 filma që nga viti 1979.

Aktakuza e 19 gushtit, e akuzon Jeremy për 12 akuza për përdhunim, përfshirë atë të një vajze 17-vjeçare në 2008 dhe një vajze 15-vjeçare në 2004.

Akuza më e fundit është nga 1 janari 2020, me një grua 21-vjeçare duke pretenduar se ishte përdhunuar dhe sodomizuar.

Jeremy, emri i vërtetë i të cilit është Ronald Jeremy Hyatt, mbetet në burg me kusht 6.6 milionë dollarë.

Për të shmangur një seancë paraprake publike që do të përfshinte dëshmitarë që dëshmonin në gjyq të hapur, prokurorët paraqitën çështjen e tyre në një juri të madhe sekrete për të marrë aktakuzën.

Një taktikë e ngjashme u përdor në rastin e manjatit të Hollivudit Harvey Weinstein.

Qershorin e kaluar, Jeremy u paraqit në gjykatë me akuzat se ai përdhunoi dy gra dhe sulmoi seksualisht dy të tjera midis 2014 dhe 2019. Në atë kohë, avokati i tij i mohoi akuzat, duke pretenduar se Jeremy kishte qenë “një ndihmës për mbi 4,000” gra “dhe se “gratë hidhen mbi të”.

Ndërsa ende nuk është caktuar data e gjykimit, Jeremy do të dalë në një gjykatë në Los Angeles më 12 tetor për një konferencë para gjyqit.