Pesë persona kanë vdekur dhe 844 të tjerë janë lënduar në aksidente të ndryshme gjatë muajit shkurt në Kosovë. Përderisa janë shqiptuar 22.765 mijë gjoba për kundërvajtësit në trafik.

Policia e Kosovës ka nxjerr bilancin e aksidenteve dhe gjobave për muajin shkurt. Në total kanë ndodhur 983 aksidente prej të cilave 372 kanë përfunduar me persona të lënduar. Ndërsa, 608 aksidentet e tjera kanë përfunduar vetëm me dëme materiale.

Policia e Kosovës vazhdon të kërkojë dhe njëherit të apelojë tek të gjithë pjesëmarrësit në trafikun rrugor që të ju përmbahen dispozitave ligjore, të rritet vigjilenca, të shtohet kujdesi në respektimin e rregullave që dalin nga ligjet e trafikut, për të garantuar një siguri më të madhe për të gjithë pjesëmarësit në rrugë, me qëllim të shmangies së aksidenteve rrugore në tërësi e në veçanti të atyre me pasoja fatale.